İdman / Manşet
203
29.05.2022, 15:17
Bakıda qızıl medal qazanan fransalı növbəti hədəfini AÇIQLADI
“Azərbaycanda keçirilən belə bir yüksək səviyyəli yarışda iştirak etdiyim üçün özümü xoşbəxt hiss edirəm. Turnirin keçirildiyi Bakı Atıcılıq Mərkəzi müasir standartlara cavab verir və iştirakçılar üçün hər bir şərait yaradılıb".
“Football-plus.az” xəbər verir ki, bu sözləri jurnalistlərə açıqlamasında Bakıda atıcılıq üzrə keçirilən dünya kubokunda 10 metr məsafəyə tüfəngdən atəşaçma yarışında qadınlar arasında qızıl medal qazanan fransalı Osean Müller deyib.
19 yaşlı atlet gələcək hədəfi barədə də danışıb:
“Turnirin səviyyəsi yüksəkdi, ciddi rəqabət var. Bakıda qazandığım qızıl medal mənim üçün qiymətlidi. Əsas hədəf isə Paris Olimpiadasıdı”.
Qeyd edək ki, 10 metr məsafəyə tüfəngdən atəşaçma yarışında qadınlar arasında polşalı Aneta Stankeviç gümüş, Rumıniya təmsilçisi İli Laura-Georgeta bürünc medala sahib olub.
