"Yekunda özümdə güc taparaq finalda qələbə qazandım" - Polşalı çempion
“Yüksək səviyyəli yarış təşkil olunub. Belə möhtəşəm turnirdə ilk dəfədi ki, iştirak edirəm. Dünya kubokunun yüksək səviyyədə hazırlaşmağımda mənə dəstək olan məşqçilərimə xüsusi minnətdarlığımı bildirirəm".
"Football-plus.az" xəbər verir ki, bu sözləri jurnalistlərə açıqlamasında Bakıda atıcılıq üzrə keçirilən dünya kubokunda 10 metr məsafəyə tapançadan atəşaçma yarışında qadınlar arasında qızıl medal qazanan Klavdiya Breş deyib. 27 yaşlı idmançı yaşadığı hisslər haqda danışıb:
"Bəzən həyacanlanırdım. Amma özümü toparlaya bilirdim. Bəzən atdığım güllərdən biri boşa çıxırdı. Belə olan halda ruhdan düşmürdüm. Yekunda özümdə güc taparaq finalda qələbə qazandım. Bu səbəbdən də özümü xoşbəxt hiss edirəm".
Polşalı atlet dünya kubokunun təşkilatçılığının yüksək səviyyədə olduğunu dilə gətirib:
"Bu mənim Azərbaycan dördüncü səfərimdi. İkinci dəfədi ki, medala layiq görülürəm. Hazırkı yarış mükəmməl səviyyədə təşkil olunub. Mərkəzdəki infrastruktur möhtəşəmdi. İdmançılar üçün bütün imkanların yaradılması məni sevindirir”.
Digər xəbərlər
