Bakıda keçirilən atıcılıq üzrə dünya kubokunun yarışları davam edir.

"Football-plus.az" xəbər verir ki, səngər stendi üzrə qarışıq komanda yarışında Avstraliya qızıl medal qazanıb. Mükafatlandırma mərasimindən sonra qaliblər - Ceyms Villet və Laetişa Skanlen sevinclərini jurnalistlərlə bölüşüblər:

Ceyms Villet: "Uzun məsafə qət edərək Azərbaycana gəldik. Bu gün qarışıq komanda növündə qələbə qazandıq. Yarışlar çox əla keçdi. Bakıdakı mərkəz dünya səviyyəlidi. Bizə belə şərait yaratdıqlarına görə təşkilatçılara təşəkkür edirəm. Bu, mənim Azərbaycana ikinci səfərimdi. Ölkəniz hər dəfə məndə fərqli təəssüratlar yaradıb".

Laetişa Skanlen: “40 hədəfdən yalnız birini boşa verdik. Ceymslə uzun illərdi atıcılıqla məşğul oluruq. Burdakı meydanlar çox əladı. Mərkəz çox əla və cazibədardı. Avstraliyanın özündə belə atıcılıq məkanı yoxdu”.