"Liverpul"un baş məşqçisi Yurgen Klopp Çempionlar Liqasında "Real"a qarşı keçirəcəkləri final matçından əvvəl fikirlərini bildirib.

"Football-plus.az" xəbər verir ki, alman mütəxəssis həlledici oyunla bağlı bunları deyib:

"Qazansaq, necə hiss edəcəyimi bilmirəm. Hazırda tək düşündüyüm matça yaxşı hazırlaşmaqdı.

Məhəmməd Salah "Real"la 2017-dəki finalda zədələndi və indi necə motivasiyalı olduğunu başa düşə bilirəm. Tək motivasiyamız qisas deyil. Həmin oyunda başqa şeylər də olmuşdu. Qapıçı səhvi, Salahın zədəsi, digər futbolçular və.s.

Tarix favoritin "Real" olduğunu deyir. Buna fikir vermirəm. Öz səviyyəmizdə oynasaq, rəqabət apara bilərik".

Bu gün baş tutacaq matç saat 23:00-da başlayacaq.