"Liverpul"un baş məşqçisi Yurgen Klopp Çempionlar Liqasının yarımfinalında "Vilyarreal"a qarşı keçirəcəkləri oyunla bağlı fikirlərini bildirib.

"Football-plus.az" xəbər verir ki, alman mütəxəssis matçla bağlı bunları deyib:

"Vilyarreal" La Liqada 7-ci sıradadır. "Bavariya"nı mübarizədən kənarlaşdırandan sonra çempionatda "Atletik"lə heç-heçə etdilər. Rəqib baş məşqçi Unay Emeri bu oyunda dəyişiklik etmişdi. Bu, İspaniya çempionatının rəqabətçi olduğunu göstərir.

Emeriyə və komandasına hörmətlə yanaşıram. "Bavariya"ya qarşı keçirdikləri oyunu yaxşı izləmişəm. Həqiqətən, təsirli oyun sərgilədilər.

Yarımfinal oyunları asan olsaydı, bu, bir şeylərin düzgün getmədiyini göstərərdi. Açığı, rahat matç gözləyə bilmərəm. Çətin olacaq, azarkeşlərimizin dəstəyi ilə qazanmağa çalışacağıq".

Xatırladaq ki, bu gün baş tutacaq "Liverpul" - "Vilyarreal" matçı saat 23:00-da start götürəcək.