“Şamaxı”nın baş məşqçisi Zaur Axundovun tapşırığını yerinə yetirib? - AÇIQLAMA
Premyer-liqanın son turunda “Şamaxı” “Zirə” ilə matça gənc futbolçularla çıxmışdı.
“Football-plus.az” xəbər verir ki, klubun Müşahidə Şurasının sədri Zaur Axundov qarşılaşma ərzində emosional idi. İkinci hissədə o, tez-tez baş məşqçiyə tapşırıqlar verirdi. Zaur bəy Rüstəm Əliyevə “Tounkaranın yerinə Vüsalı salın, oynasın! Rüstəm, Qurbanı oyuna burax!” kimi əmrlər verirdi. Görəsən, gənc mütəxəssisə Muşahidə Şurası sədrinin tapşırıqları qəribə gəlməyib? Ümumiyyətlə, “Şamaxı” ilə 1 illik müqavilə bağlayan çalışdırıcı bundan sonra da Zaur bəyin oyuna müdaxilə etməsinə imkan yaradacaq? Suallarımızı gənc məşqçi belə cavabladı:
“Qarşılaşmadan öncə qərar vermişdik ki, “Zirə” ilə görüşdə daha çox gənc futbolçular meydanda olacaq. Onların hansından növbəti mövsüm istifadə edə biləcəyimizi götür-qoy edirdik. Oyunun iştirak ərzində də bunu görə bilərsiz. Futbolçular da tapşırıqların öhdəsindən gələ bilirdilər. Dediyiniz məsələyə gəlincə, həqiqətən bundan xəbərim olmayıb. Fikrim o qədər oyuna qarışmışdı ki, eşitməmişəm. Matçın protokoluna da baxa bilərsiz ki, Zaur bəyin istədiyi kimi dəyişikliklər etməmişəm. Vüsalla Qurbanı meydana buraxmaq fikrimiz öncədən var idi. Tam səmimiyyətimlə deyirəm, bunu öncədən planlaşdırmışdıq ki, onların da potensialını görək. Zaur bəy komandanın həmişə qələbə qazanmasını istəyir. Onun belə şeylər deyib, oyuna müdaxilə etməsində hansısa pis niyyət görmürəm. Amma həqiqətən də dəyişiklikləri sırf buna görə etməmişəm”.
İLKİN SULTANLI
Digər xəbərlər
