Xəbər verdiyimiz kimi, AFFA İcraiyyə Komitəsinin dünən keçirilən iclasında “Şamaxı”nın Müşahidə Şurasının sədri Zaur Axundov işlərinin çoxluğu üzündən klubda tutduğu vəzifədən istefa verdiyini bildirib. O, Azərbaycan Futzal Federasiyasının prezidenti vəzifəsində fəaliyyətini davam etdirəcəyini deyib.

Zaur Axundovun istefası təəccüblü deyil. “Keşlə” “Şamaxı” olanda bu gözlənilirdi. Uzun müddət öncə “Futbol+” qəzetində bu haqda yazı da getmişdi ki, klubun adı “Şamaxı” olandan sonra rəhbərlik dəyişəcək. Bunun səbəbi var. Azərbaycan hakimiyyəti Şamaxının strateji əhəmiyyətini artıran qərarlar verməkdədi. Buna səbəb şəhərin 2023-cü ildə Türk dünyasının turizm paytaxtı seçilməsidi. Şamaxı ölkə turizmində əhəmiyyətli mövqe tutacaq. Bu səbəbdən şəhərin klubu da iddialı olmalıdı.

Redaksiyamıza daxil olan məlumata görə, klubun idarəçiliyi Azər Əliyevə tapşırılır. Ölkə başçısı İlham Əliyevin bacısı Sevil xanımın oğludu. Özü də idmançı olan Azər bəy klubun Müşahidə Şurasının rəhbəri olacaq. Lakin idarəçiliyi yenidən klub prezidenti edəcək. Hər iki təyinatın yaxın günlərdə açıqlanacağı gözlənilir.

"Futbol+"