Makdevid pley-offda tarix yazır
Seriyanın 2-ci oyununda “Edmonton”a 3:5 uduzan “Kalqari” 2-ci oyun sindromu yaşadığını bir daha göstərdi.
“Fleymz” artıq 18 ildi pley-off seriyasının 2-ci oyununda qalib gəlmir. Komanda bunu sonuncu dəfə 2004-cü il mayın 11-də - “San-Xose” ilə seriyanın 2-ci oyununda bacarıb. Ardından ardıcıl 13 dəfə 2-ci oyunda uğursuzluqla üzləşib.
Bu arada ilk pley-off mərhələsində məhz “Kalqari” ilə seriyada 3:4 uduzan “Dallas” Rik Bounessin baş məşqçi postundan getdiyini elan edib. Klubun mətbuat xidmətinin yaydığı xəbərə görə, onun yardımçıları – Con Stivens, Derek Laksdal və Todd Nelson da iş başında olmayacaq. Klubun “tvitter” hesabında Bouessin də sözləri yer alıb:
“Xanımım Cudi ilə ciddi müzakirələrdən sonra qərara gəldim ki, işdən uzaqlaşmaq və kluba baş məşqçi postuna başqasını seçmək imkanı yaratmaq daha yaxşı olardı. Klubun bütün azarkeşlərinə və əməkdaşlarına dəstəyə görə təşəkkür etmək istəyirəm. Mən və ailəm üçün “Starz”ı və Dallas şəhərini təmsil etmək şərəf idi”.
Xatırladaq ki, “Dallas” 67 yaşlı mütəxəssisin rəhbərliyi altında 2019/20 mövsümündə Stenli kubokunun finalında oynayıb.
“Edmonton”un forvardı Konnor Makdevid “Kalqari” ilə dünənki oyunda qələbəyə 3 məhsuldar ötürmə ilə töhfə verdi. 25 yaşlı kanadalı MHL tarixinə pley-offun ilk 10 oyunundan 9-da ən azı 2 xal toplayan ilk hokkeyçi kimi düşdü. O, cari pley-offda keçirdiyi 10 oyunda 23 (6+17) xal toplayıb.
Digər xəbərlər
