“Çelsi”nin oyunçusu Markos Alonso ilə baş məşqçi Tomas Tuxel arasındakı münasibətlər korlanıb.

"Football-plus.az" saytının məlumatına görə, onlar premyer-liqanın “Vulverhempton”la mayın 7-də keçirilən oyununun (2:2) fasiləsi zamanı bərk mübahisə ediblər. Bunu yerli jurnalist Natan Qissinq iddia edir. Amma o, fikir ayrılığının səbəbinə aydınlıq gətirməyib. fakat budu ki, Alonso ikinci hissədə meydanda görünməyib.

Tuxel matçdan sonrakı mətbuat konfransında Markosun Saul Nyiqes ilə əvəzlənməsinin “taktiki dəyişiklik”lə bağlı olduğunu bildirib. Amma Qissinq fasilə zamanı ispaniyalı futbolçu ilə alman çalışdırıcının yüksək səslə mübahisə etdiklərini iddia edir.