"Formula-1" üzrə dünya çempionatında çıxış edən "Alpin" komandası pilotu Fernando Alonsoya yeni müqavilə təklif edəcək.

Bu haqda komandanın rəhbəri Otmar Zafnauer AS nəşrinə açıqlamasında bildirib. 58 yaşlı funksioner 41 yaşlı ikiqat dünya çempionunu daha bir il komandada görmək istədiklərini söyləyib.

Alonso 2005, 2006-cı illərdə dünya çempionu adını qazanıb. Təcrübəli sürücü dünya çempionatının ilk 5 mərhələsindən sonra 2 xalla 16-cı pillədə qərarlaşıb. "Ferrari"də çıxış edən Şarl Lekler hazırda 104 xalla liderdi.