Nail Kərimov “Qəbələ”nin növbəti tur 4-cü pilləyə dönəcəyinə ümid edir - AÇIQLAMA
Ardıcıl 7 oyunda qələbə qazana bilməyən, bu görüşlərin 4-dən məğlub ayrılan “Qəbələ” artıq avrokuboklara vəsiqə verən ilk “dördlük”dən kənar düşüb.
“Qımızı-qaralar” “Sabah”la eyni xala malik olsa da, komandaların öz aralarındakı oyunların götəricilərinə görə “tələbələr” 24-cü turdan sonra 4-cü pilləyə yüksəlib.
Ötən saylarımızın birində, daha dəqiq desək, premyer-liqanın 23-cü turu ərəfəsində bölgə təçmsilçisinin idman direktoru Nail Kərimov bizimlə söhbətdə “Sumqayıt”la oyuna dönüş nöqtəsi kimi baxdıqlarını, “kimyaçılar” üzərində qələbə qazanmaqla “qara zolaqdan çıxmağı” planlaşdırdıqlarını söyləmişdi. Ancaq Elmar Baxşıyevin komandası nə “kimyaçılar”a qalib gələ (1:1), nə də əmin addımlarla çempioluğa doğru gedən “Qarabağ”dan xal ala bildi. Və belədə Murad Musayevin çalışdırdığı “Sabah” finişə 4 tur qalmış “Qəbələ”ni “avrokubok zonası”ndan kənarlaşdırdı.
Bölgə təmsilçisi qarşıdakı turlarda itirdiyi mövqeyi qaytara biləcəkmi? Klub rəhbərliyi bu haqda nə düşünür? Nail bəy bu dəfə “Futbol+”ə bunları söylədi:
“Fikrimcə, hələ heç nə itirilməyib. Düzdü, son oyunlarda itirilən xallar əleyhimizə işlədi, 4-cü pilləni əldən verdik. Ancaq yenə deyirəm, sona qədər mübarizəni davam etdirəcəyik. Çıxış yolu? Bu barədə nə demək olar? Hər şey futbolçulardan asılıdı. Komanda üzvləri ilə lazımi qədər söhbət etmişik. Nə desək də, hansı addımı atsaq da, meydana onlar çıxır. Zədəlilərimizin geri dönməsini istərdik. Təəssüf ki, onları qısa müddətdə sıraya qaytara biləcək möcüzəni bilmirik”.[/quote]
Premyer-liqanın 25-ci oyun həftəsində “Qəbələ”nin əsas rəqibi “Sabah” “Qarabağ”la üz-üzə gələcək ki, “tələbələr”in bu matçda xal itirəcəyi real görünür. Bölgə təmsilçisi fürsətdən maksimum yararlanıb, yenidən 4-cü pilləyə dönə bilər. Təbii ki, Baxşıyevin komandası bunun üçün səfərdə “Zirə”ni məğlub etməlidi. Görəsən, “Qəbələ” bunu bacaracaq? İdman direktoru nikbin danışdı:
“Son bir həftədə “Qarabağ”la iki dəfə qarşılaşdıq. Komanda o görüşlərin birində zəif təsir bağışlasa da, digərində uduzmasına baxmayaraq, məzmunlu oyun nümayiş etdirdi. “Sabah”ın “Qarabağ”la matçda xal itirməsi yalnız o halda işimizə yarayacaq ki, biz “Zirə”dən xal və xallar ala bilək. Cari mövsümdə Rəşad Sadıqovun çalışdırdığı komanda ilə artıq 3 dəfə qarşılaşmışıq və bu oyunların ikisi heç-heçə bitib, birində isə üstün olmuşuq. Bilirik ki, bizi çətin oyun gözlədiyi kimi, rəqib də “Qəbələ”dən ehtiyatlanır. Ümid edirəm ki, 25-ci turdan sonra yenidən 4-cü pilləyə dönəcəyik”.
[quote]
RƏŞAD
Digər xəbərlər
