"İki tərəf də bir-birinə güzəştə getmirdi" - Murad Musayev
Premyer-liqada 22-ci turun oyunları keçirilib.
"Sabah" doğma meydanda "Zirə"ni qəbul edib - 3:1. "Tələbələr"in baş məşqçisi Murad Musayev oyundan sonra mətbuat konfransında iştirak edib. Çalışdırıcı görüş haqda bunları deyib:
"Parlaq oyun alındı. Emosialar çox idi. İki tərəf də bir-birinə güzəştə getmirdi. Həqiqətən komanda olduğumuzu göstərdik. Əlimizdən gələni edərək, çalışaraq qələbə qazandıq".
- Avrokubok perspektivini real sayırsız?
- Bu dəqiqə nəyisə dəyərləndirmək istəmirəm. Hər oyuna final kimi yanaşmaq lazımdı. Mayın 21-də xalları saymaq lazımdı. Məşqlərimizə köklənməliyik. Məqsədimiz hər gün daha yaxşı olmalıyıq.
- Növbəti tur "Neftçi" ilə oyun var. Futbolçuları necə hazırlayacaqsız?
- Əlbəttə, çətin oyun olacaq. Maraqlı oyun gözləyirəm. Bu komanda ilə matçlar xoşuma gəlir. Oyunlar nə qədər çətin olursa, bu qədər də maraqlı olur.
- Qapıçı Yusif İmanovun oyununu şərh edərdiz.
- Yusif şanslarından yaxşı istifadə etdi. Növbəti oyun qapıda kimin olacağını demək çətindi. Hazırda fikrimcə, bu gün meydana çıxan optimal heyətimiz idi. Səlahət Yusifə çox kömək edir. Qarşıda məşq prosesləri çoxdu. Oyuna yaxın qərar verəcəyik
Digər xəbərlər
