"Daha da yaxşı ola bilərik" - Murad Musayev
Premyer-liqada 21-ci turun oyunları keçirilir.
"Sumqayıt" doğma meydanda "Sabah"ı qəbul edib - 0:3. Qonaqların baş məşqçisi Murad Musayev oyundan sonra mətbuat konfransında iştirak edib. Çalışdırıcı görüş haqda bunları deyib:
"Topa yaxşı nəzarət edirdik. İlk hissənin ortalarında iki qol vurduq. Bu, bizə müəyyən mənada inam verdi. Pressinqimiz yaxşı alınırdı. Amma keçidlərdə keyfiyyəti daha da artırmalıyıq. Xoş haldı ki, rəqib qapımız qarşısında çox da təhlükəli vəziyyətlər yarada bilmədi. Amma daha da yaxşı ola bilərik. Məşq proseslərində bunun üzərində daha çox işləməyə çalışacağıq".
