"Məzmunlu oyun alındı" - Murad Musayev
"Sabah"ın baş məşqçisi Murad Musayev premyer-liqanın 24-cü turunun "Şamaxı" ilə matçından sonra mətbuat konfransında iştirak edib.
Rusiyalı çalışdırıcı 5:1 hesablı qələbəsini belə şərh edib:
"Çox yaxşı, məzmunlu oyun alındı. Yaxşı qollar vurduq. Sadəcə, ikinci hissənin əvvəlindəki oyunumuz xoşuma gəlmədi. Amma ikinci hissəsnin yarısı nəzarətimiz altında keçdi. Lazım olan iki qol da vurduq. Rəqibdə baş məşqçi dəyişikliyi olduğundan necə oynayacaqlarını bilmirdik. Yeni baş məşqçi əvəzedici heyətin baş məşqçisi idi və müxtəlif sistemlərdən istifadə edirdi. Bu oyunda da iki müxtəlif sxemdən istifadə etdilər. Çox məmmunam ki, komandam tez reaksiya verdi. Azarkeşlərimizi qələbə münasibətilə sevindirə bildiyimizə görə də şadam".
