Cordan Larsson “Spartak”la müqaviləsinin icrasını dayandırıb.

24 yaşlı hücumçu digər əcnəbi oyunçular kimi FİFA-nın “qeyri-transfer pəncərəsi” dövründə Rusiya və Ukraynada işləyən legioner oyunçu və məşqçilərə müharibə səbəbindən verdiyi azad agent statusundan yararlanıb. İsveçli futbolçu karyerasını vətənində davam etdirəcək. Larsson AİK ilə müddəti iyunun 30-na qədər nəzərdə tutulan müqavilə bağlayıb. Cordan “Spartak”da 2019-cu ildən çıxış edir. O, Rusiya çempionatında meydana çıxdığı 72 oyunda 22 qol vurub.

Qeyd edək ki, artıq Rusiya premyer-liqasını tərk edən legionerlərin sayı 40-a çatıb. “Krasnodar”dan daha çox legioner ayrılıb. Bu komandanın 13 əcnəbi üzvü (7 futbolçu, 6 məşqçi) başqa ölkələrə üz tutublar.