Legioner futbolçuların Rusiyanı tərk etməsi prosesi davam edir.

Silvi Beqiç də “Rubin”dən ayrılıb. Kazan klubunun rəsmi saytının məlumatında tərəflərin müqavilənin icrasını qarşılıqlı razılaşma əsasında mövsümün sonuna qədər dayandırdığı bildirilir. Xorvat futbolçudan əvvəl Xviça Kvaratsxeliya, Anders Dreyer, Sead Hakşabanoviç və Filip Uremoviç də “Rubin”i tərk etmişdilər.

Qeyd edək ki, fevralın 24-də Rusiyanın Ukraynaya hərbi müdaxiləsindən sonra FİFA əcnəbi futbolçu və məşqçilərə bu ölkələrin klubları ilə müqaviləni yaya qədər pozmaq hüququ verib.