“Rubin” əcnəbi futbolçularını itirməyə davam edir.

FİFA Rusiyanın Ukraynaya hərbi müdaxiləsinə görə bu ölkələrdə işləyən legioner futbolçu və məşqçilərə klublarla müqavilənin icrasını mövsümün sonuna qədər dayandırmaq hüququ verib. Bu hüquqdan yararlanan Hvan İn Bom da “Rubin”i tərk edib. O, kazanlılarla müqaviləni yaya qədər dayandırıb. Koreyalı yarımmüdafiəçi “Rubin”də 2020-ci ildən çıxış edirdi.

Rusiya klubunu daha əvvəl Xviça Kvaratsxeliya, Anders Dreyer, Sead Hakşabanoviç, Filip Uremoviç və Silviye Beqiç də tərk etmişdi. İndi “Rubin”də yalnız iki legioner – Montassar Talbi (Tunis) və Oliver Abildqor (Danimarka) çıxışını davam etdirirlər.