"Qəbələ"nin futbolçusu Rafael Utziq komandasının Konfrans Liqasına vəsiqə qazanmaq uğrunda mübarizə apardığı ilə bağlı danışıb.

"Football-plus.az" saytının məlumatına görə, brazilyalı yarımmüdafiəçi bu haqda ölkəsinin mətbuatına açıqlama verib:

"Qəbələ”nin heyətində 50-ci oyun həddinə çatdığım üçün xoşbəxtəm. “Qəbələ” mənim Avropadakı ilk klubumdu və burada 50 matçlıq mərhələyə çatmağım məni xoşbəxt edir. Mövsüm hələ bitməyib. Klubun məqsədləri yolunda davam edəcəyik. Konfrans Liqasına vəsiqə qazanmaq üçün hələ 7 çempionat oyunu və ölkə kubokunun yarımfinal mərhələsi var”.