"Avrokubok uğrunda mübarizəni davam etdirmək vacibdi" - "Qəbələ"nin üzvü
“Qəbələ”nin braziliyalı futbolçusu Rafael Utziq “Zirə”yə 3:0 hesabı ilə qalib gəldikləri oyun barədə “Terra” nəşrinə açıqlama verib.
Qarşılaşmada ikinci qolu vuran 26 yaşlı hücumçu UEFA Konfrans Liqasına vəsiqə qazanmaq istədiklərini bildirib:“Yenidən qalib gəlmək və avrokubok uğrunda mübarizəni davam etdirmək vacibdi. Bu, komandam üçün önəmli qol idi. Artıq bütün diqqətimizi son 3 qarşılaşmaya yönəltmişik”.
Qeyd edək ki, “Qəbələ” 38 xalla 4-cü pillədə qərarlaşıb. Komanda növbəti 3 matçını “Neftçi”, “Şamaxı” və “Sabah”a qarşı keçirəcək.
Digər xəbərlər
