"Daha çox çalışmalı olduğumu bilirəm" - "Sabah"ın yeni transferi
"Sabah"ın Ukraynanın "Vorskla"sından heyətinə qatdığı Lukas Rangel açıqlama verib.
"Football-plus.az" saytının məlumatına görə, Masazır təmsilçisinin yeni transferi "globo.com"a danışıb. Braziliyalı hücumçu keçidi ilə bağlı bunları deyib:"Braziliyaya gəldiyim gündən ölkə daxilindən və xaricindən təkliflər almağa başladım. Ailəm və menecerimlə birlikdə düşündük. Mövsümün sonuna qədər məni daha çox istəyən "Sabah"ın təklifini qəbul etməyə qərar verdik. Ümid edirəm ki, yaxın zamanda oynaya bilərəm. Daha çox çalışmalı olduğumu bilirəm. Ən çox sevdiyim şeyə - futbol oynamağa davam etmək üçün səbirsizlənirəm".
Qeyd edək ki, "Sabah" Lukas Rangellə mövsümün sonunadək nəzərdə tutulan müqavilə imzalayıb.
Digər xəbərlər
