"Sabah"da icarə əsasında çıxış edən braziliyalı futbolçusu Lukas Rangel açıqlama verib.

"Football-plus.az" xəbər verir ki, ölkəsinin "Sambafoot" nəşrinə danışan 27 yaşlı hücumçu müqavilə ilə məxsus olduğu Ukrayna "Vorskla"sına qayıtmaq istəmədiyini deyib:

"Ukraynada oynamış bir çox peşəkar həmkarımla danışmışam və heç biri geri qayıtmaq istəmir. Bir neçə klub mənimlə maraqlanır. Hər birini dəyərləndirəcəyəm. Ancaq tezliklə Avropanı tərk edib, Braziliyaya qayıtmaq fikrində deyiləm".

Rangel bu ilin martında "Vorskla"dan (Ukrayna) icarə əsasında "Sabah"a keçib.