Bəs, PFL-nin bu məsələ ilə bağlı mövqeyi necədi? Klubların stadionlarını projektorla təchiz etməsi tövsiyə deyil, tələb kimi irəli sürülə bilərmi? Axı müvəqqəti qadağalar effekt vermir.
Bu barədə fikirlərini öyrənmək məqsədilə qurumun Media və Marketinq direktoru Sənan Abdullayevə müraciət etdik. Onun “Football-plus.az”a cavabı:
“Əsasnamə ilə süni işıqlandırma sistemi olmayan stadionlarda ev oyunlarını keçirən klublara 4 oyun avtomatik ev-səfər oyunu dəyişikliyi tətbiq olunub. Hazırda 5-ci tur oynanıldığı üçün bu qadağa qüvvədən düşüb. Odu ki, klublara – “İmişli”, “Araz Naxçıvan” və “Şamaxı”ya ev oyunlarını bu turdan etibarən süni işıqlandırması olmayan stadionlarda keçirməklə bağlı əks göstəriş yoxdu”.
Görünür, PFL də məlum çatışmazlığın aradan qaldırılmasında maraqlı tərəf deyil. Odu ki, komandalar mövsümü gah günorta saatlarında, gah da ev oyunu olmasına baxmayaraq, səfərlərdə oynamaqla yola verəcəklər.
KƏNAN BAHADIR
