“Əməkdaşlarımız sentyabrın 16-da Yevlax şəhər stadionunda olub, baxış keçirib. Orda bir sıra işlər görülüb, amma tamamlanası işlər də var. Ot örtüyü tam təmir olunmayıb. Klub bu işi sona çatdırmadığına görə FİFA dərəcəsi ala bilmir. Ölkədəki bütün süni örtüklərin dərəcəsi var. Stadionla bağlı da çatışmazlıqlar mövcuddu. Bu barədə kluba rəsmi məktub göndərilib. Nə vaxt hazır olar? Bunu demək hələ ki mümkün deyil. Qeydlərimizi aparıb kluba bildirmişik. Media sektoru, hakimlərin, oyunçuların yeri, meydança və s. ilə bağlı çatışmayan məqamlar var. Bundan sonrakı məsuliyyət klubun üzərində qalır. Nə vaxt hazır olsa, bizə müraciət edəcəklər ki, “xahiş edirik, bir daha təftiş edin, nəzərdən keçirin”. Buna görə kluba vaxt qoya bilmərik. Ən ciddi problem isə təbii ki, örtüyə görə sertifikatın alınmamasıdı”.