"Beşiktaş'' Yasin Özcan və Kristyan Asllanidən sonra bu qışın 3-cü transferini reallaşdırıb.

"Football-plus.az" xəbər verir ki, ''qartal'' ''Göztəpə''nin üzvü Junior Olaitanı İstanbula gətirib.

Türkiyə mətbuatının yazdığına inansaq, 23 yaşlı beninli futbolçu ilə 3,5 illik müqavilə imzalanacaq. Keçidin maddi detallarına gəlincə, İzmir klubu İstanbul nəhənginin ''5+1'' milyon avroluq təklifini qəbul edib. Olaitanın tibbi müayinədən keçdikdən sonra rəsmi müqaviləyə imza atacağı gözlənilir.

Həm oyun qurucusu, həm də sol vinger mövqeyində oynamağı bacaran Olaitan ''Göztəpə''yə mövsümün əvvəlində 850 min avroya Fransanın 2-ci liqa təmsilçisi ''Qrenobl''dan transfer olunub. Bu futbolçu ilk dövrədə ''Göztəpə''nin heyətində 17 oyuna 2 qol vurub.