Lionel Messi sıralarındakı parlaq çıxışı ilə məşhurluq qazandığı “Barselona”ya çox bağlıymış.

Bunu sabiq klubuna xüsusi hədiyyə etməklə sübut edib.

Hazırda “İnter Mayami”də oynayan argentinalı futbol ulduzu ötən ilin oktyabrında qazandığı 8-ci “Qızıl top”unu “Barselona”nın muzeyinə bağışlayıb. İspaniya mənbələrinin məlumatına görə, Messi son mükafatını “Barselona”nın oyunçusu kimi qazanmasa da, fərdi qəniməti əvvəlki 7 “Qızıl top”un saxlanıldığı muzeyə vermək qərarına gəlib. DÇ-2022-nin qalibi 8-ci mükafata PSJ-nin oyunçusu kimi çıxış etdiyi 2022/23 mövsümünün nəticələrinə əsasən layiq bilinmişdi.

Messinin “Barselona”da 2003-2021-ci illərdə çıxış etdiyini də xatırladaq.