Lionel Messi qarşıdakı oyunlarda Argentina yığmasına kömək edə bilməyəcək.

Ulduz futbolçunun səhhətində problem var.

“İnter Mayami”nin hücumçusu Salvador və Kosta Rika ilə yoldaşlıq matçlarında iştirak etməyəcək. Bu haqda “TyC Sports” məlumat yayıb. Dünya çempionu əzələ zədəsi səbəbindən yığmanın uyğun olaraq, martın 23-ü və 26-da keçiriləcək oyunlarını buraxacaq. Qeyd edək ki, Messi zədə səbəbindən MLS-in “Di Si Yunayted”lə son oyununu (3:1) da buraxmışdı.

Yeri gəlmişkən, Messi Səudiyyə Ərəbistanı şirkəti ilə müqavilə bağlayıb.

O, geyim və aksessuarlar istehsalı üzrə ixtisaslaşan “Sayyar”ın siması olub. Lionel artıq bu brendin reklamına da çəkilib. “Sayyar”ın “tvitter” hesabında onun çəkildiyi videoçarx nümayiş etdirilib.