“Ayaks”ın Nəzarət Şurasında futbol məsələləri üzrə müşavir vəzifəsini icra edən Lui van Qal istefa verib.

"Football-plus.az" xəbər verir ki, bu barədə Niderland klubunun rəsmi saytı məlumat yayıb. 74 yaşlı mütəxəssis qərarını artıq klub rəhbərliyinə bildirib və tərəflər əməkdaşlığın başa çatdığını rəsmən təsdiqləyiblər. Van Qal qərarına səbəb kimi son illərdə klub daxilində baş verən struktur dəyişiklikləri və əvvəlki dövrdə üzərinə düşən rolun artıq tamamlanmasını göstərib.

Van Qal 2023-cü ilin oktyabrından “Ayaks” rəhbərliyinə futbolla bağlı məsləhətlər verirdi. O, daha əvvəl də klubda texniki direktor və baş məşqçi kimi çalışıb.