Niderland futbolunun əfsanəvi qapıçılarından hesab olunan Edvin van der Sar sevənlərini üzüb.

"Football-plus.az" xəbər verir ki, son illərdə ''Ayaks''da baş direktor vəzifəsini icra edən 52 yaşlı Van der Sarın dünən səhər saatlarında beyninə qan sızıb.

O, hadisə zamanı ailəsi ilə birlikdə Xorvatiyanın Split şəhərində tətildə idi və dərhal vertolyotla yaxınlıqdakı xəstəxanalardan birinə çatdırılıb. Hazırda intensiv terapiya şöbəsində olan Van der Sarın həyati təhlükəsi yoxdu. ''Ayaks''ın rəsmi ''tvitter''hesabının məlumatına görə onun durumu sabitdi və yeni məlumat olacağı təqdirdə bu barədə dərhal ictimaiyyətə xəbər veriləcək. Xatırladaq ki, geridə qoyduğumuz mövsüm ''Ayaks'' üçün uğursuz alındı.

Komanda mövsümü titulsuz başa vurdu və üstəlik eredivizayada yalnız 3-cü pilləni tutdu. Bu üzdən 2016-dan baş direktor vəzifəsini icra edən Van der Sar istefa verməli oldu.

ƏLİ