Erkin İbrahimov “Kəpəz”də qaldı! – klubda struktur dəyişiklikləri olacaq
Xatırlayırsızsa, “Kəpəz”in idman məsələləri üzrə müşaviri Erkin İbrahimovun vəzifəsindən ayrıldığını xəbər vermişdik. Sonradan məlum oldu ki, o, bununla bağlı qərarını veribsə, hələ istefa ərizəsini yazmayıb. Klub rəsmisi qərarını rəsmiləşdirmək üçün bazar ertəsini gözlədiyini bildirmişdi.
Maraqlıdı ki, nişan verilən vaxtdan bir gün ötsə də, hələ “Kəpəz” gözlənilən ayrılıq xəbərini açıqlamayıb. Məsələnin nə yerdə olduğujnu öyrənmək məqsədilə yenidən Erkin bəyə müraciət etdik. Onun “Football-plus.az”a cavabı:
“Hələ klubdan ayrılmamışam. Razılığa gəldik ki, bir müddət susqunluq olsun. Tezliklə klubda müəyyən struktur dəyişiklikləri olacaq. Yeniliklərin kimləri əhatə edəcəyini gözləyirəm. Bundan sonra qərarımı verəcəm”.
KƏNAN BAHADIR
Digər xəbərlər
