"Turan Tovuz"da struktur dəyişikliyi baş verib.

Klubun mətbuat xidmətinin rəhbəri Süleyman Tağıyevin "Futbol+"ə verdiyi məlumata görə, prezident və icraçı direktor vəzifələri ləğv olunub. Ehtiram Quliyev İdarə Heyətinin sədri vəzifəsini davam etdirəcək. Oqtay Abdullayevlə Rəşid Məhərrəmov isə müşavir olacaq. 

Başqa vəzifələr üzrə də bölgü aparılıb. Belə ki, Əli Balakişiyev idarə heyətinin sədr müavini, həmçinin infrastruktur və maliyyə üzrə direktor vəzifəsini yerinə yetirəcək. Buna qədər klubda icraçı direktor kimi işləyən Nadir Nəbiyev uşaq futbolunun inkişafı üzrə direktor olacaq. İdman və əməliyyatlar üzrə direktor vəzifəsi isə Səməd Nəsibova tapşırılıb.

KƏNAN BAHADIR