Avqustun 13-14-də Avropa Liqasının (AL) 3-cü təsnifat mərhələsinin cavab oyunları keçirildi. Nəticədə 13 qalib komanda pley-offa adladı.

Xatırladaq ki, bu turnirdə ölkəmizi “Sabah” təmsil edirdi. Təmsilçimiz evdə 2:3 hesabıyla məğlub olduğu, səfərdə isə 3:3 hesablı heç-heçəyə razılaşdığı “Selye” səddini keçə bilmədi. Konfrans Liqasının (KL) ötən mövsümünün 1/4 finalçısı olan “Selye” isə AL-in növbəti mərhələsində AEK-ə (Cənubi Kipr) uduzaraq (1:1, 1:2) turnirlə vidalaşdı. Maraq üçün AEK-in iki oyunun nəticəsinə (4:1, 1:2) əsasən “Legiya”nı (Polşa) mübarizədən çıxardığını da qeyd edək.

3-cü təsnifat mərhələsində postsovet məkanından üç komanda iştirak edirdi. Bu komandaların ümumi göstəricisi çox pis oldu: “Şaxtyor” “Panatinaikos”a, “Noa” “Linkoln Red İmps”ə, RFŞ isə KuPS-a uduzdu. Məğlublar mübarizəni Konfrans Liqasında davam etdirəcəklər.

3-cü təsnifat mərhələsi, cavab oyunları
KuPS (Finlandiya) - RFŞ (Latviya) 1:0 (ilk oyun – 2:1)
Pennanen, 49.
Noa (Ermənistan) - Linkoln Red İmps (Cəbəllütariq) 0:0, p. – 5:6 (1:1)
Şaxtyor (Ukrayna) - Panatinaikos (Yunanıstan) 0:0, p. – 3:4 (0:0)
Şelburn (İrlandiya) - Riyeka (Xorvatiya) 1:3 (2:1)
Odubeko, 86-p. – Fruk, 33. Dantas, 73. Oreç, 90.
Midtüllann (Danimarka) - Fredrikstad (Norveç) 2:0 (3:1)
Beç Sörensen, 9. Paulinyo, 17.
Brann (Norveç) - Həkken (İsveç) 0:1 (2:0)
De Royev, 38-öz qapısına.
Breydablik (İslandiya) - Zrinski (Bosniya və Hersoqovina) 1:2 (1:1)
Qunnlühsson, 61-p. - Bilbiya, 7. Valqeyrsson, 47-öz qapısına.
Volfsberq (Avstriya) - PAOK (Yunanıstan) 0:1, əlavə vaxtda (0:0)
Kamara, 115.
Legiya (Polşa) - AEK (Cənubi Kipr) 2:1 (1:4)
Nsame, 11. Rayoviç, 16 - İvanoviç, 56.
Drita (Kosovo) - FKSB (Rumıniya) 1:3 (2:3)
Tuşa, 52 – Çisotti, 1. Mikulesku, 18. Politik, 85.
Makkabi (Təl-Əviv, İsrail) - Hamrun Spartans (Malta) 3:1 (2:1)
Şahar, 31; 45+2. Davida, 69 – Mbonq, 43.
Utrext (Niderland) - Servett (İsveçrə) 2:1 (3:1)
Yensen, 57; 74 – Jalou, 80-p.
Braqa (Portuqaliya) - ÇFR (Rumıniya) 2:0 (2:1)
Salasar, 19-p.; 45+5.

İlk oyunları avqustun 21-də keçiriləcək pley-offda cütlər belə formalaşıb: Riyeka – PAOK, Slovan (Slovakiya) – Yanq Boyz (İsveçrə), Malmö (İsveç) – Siqma (Çexiya), Panatinaikos – Samsunspor (Türkiyə), Aberdin (Şotlandiya) – FKSB, Lex (Polşa) – Genk (Belçika), Şkendiya (Şimali Makedoniya) - Ludoqorets (Bolqarıstan), Makkabi (Təl-Əviv, İsrail) - Dinamo (Ukrayna), Midtüllann – KuPS, Linkoln Red İmps - Braqa, Zrinski (Bosniya və Hersoqovina) – Utrext, Brann - AEK (Cənubi Kipr).