“Hər iki komandaya meydançanı dəyişmək mənfi təsir edəcək. Rəqib həmişə süni meydançada oynayır. Təbii meydançaya keçən zaman özlərini narahat hiss edə bilərlər. “Köhlən atlar”ın topa nəzarət etməsi daha vacib olacaq. Nə qədər topa nəzarət edəcəklərsə, o qədər də oyunun tempini istədikləri kimi yönəldə biləcəklər. “Qarabağ” rəqibin əks-hücumlarına hazır olmaq məcburiyyətindədi. Düşünürəm ki, bu oyuna mərkəz müdafiəçisi Kevin Medina ilə çıxsalar, daha yaxşı olacaq. Amma zədələrlə bağlı vəziyyətin nə yerdə olduğunu bilmirəm. Zənn edirəm ki, “Qarabağ” daha çox öndə oynayacaq. Rəqibin pressinqindən rahat şəkildə çıxandan sonra qol imkanı yaratmaq olar. Bu qolları da artıq reallaşdırmağın vaxtıdı. Düşünürəm ki, iki top fərqi ilə qalib gəlmək ehtimalımız var”.