“İnanmıram ki, “Qarabağ” belə şansı əldən versin” – oyuna 4 saat qaldı!
“Qarabağ” bu gün Avropa Liqasında 1/8 finala adlamağa, tarix yazmağa çox yaxındı.
Qurban Qurbanovun komandası Portuqaliyadan vətənə inamlı qələbə ilə dönüb. Lakin bu, Avropa Liqasıdı. “Braqa” kimi komanda üçün evdə və ya səfərdə oynamağın elə bir fərqi yoxdu. Rəqibin yetərincə təcrübəli olduğunu da etiraf etməliyik. Görəsən, “köhlən atlar” növbəti mərhələyə adlamaq üçün necə oynamalıdı?
Əsgər Abdullayev “football-plus.az”ın sualını cavabladı:
“Qarabağ” oturuşmuş, sistemləşmiş və özünü təsdiqləmiş komandadı. Bu çox yaxşı haldı. Mənə elə gəlir ki, oyuna tam qüvvə ilə köklənəcəklər və bu fürsəti əldən verməyəcəklər. Futbolda hər şey ola bilər. Bura Avropa Liqasıdı, burda zəif rəqib olmur. Yalnız oyuna zəif hazırlaşan rəqib olur. İnanmıram ki, “Qarabağ” belə şansı əldən versin. Bunu ən yaxşı şəkildə bilən komandanı daha yaxından tanıyan məşqçidi. Yəqin ki, “Qarabağ” elə öz oyununu oynayacaq. Hər halda, daha çox çalışacaq ki, rəqibin həmlə etməsinə imkan verməsin”.
KAMAL SƏFƏR
Digər xəbərlər
