“Zirə” uzun müddət 7 futbolçusunun xidmətindən məhrum olacaq – Rəşad Sadıqov üçün ağır imtahan

“Zirə” dünən Misli premyer-liqasının 7-ci turunda “Şamaxı” ilə bacarmadı (1:1). Hətta “qartallar” uduza da bilərdi. Ancaq Ange Mutsinzinin hesabı bərabərləşdirməsi məğlubiyyətin qarşısını aldı. Oyunsonrası mətbuat konfransında matç haqda danışan qəsəbə təmsilçisinin baş məşqçisi Rəşad Sadıqov heyətdə zədəlilərin çoxluğundan gileyləndi. Mütəxəssis Ərən Aydın və Dimitri Leqbonun zədəsinin bu yaxınlarda sağaldığını, Giorgi Papunaşvilinin iki həftə temperatunun yüksək olduğunu bildirdi. İş ondadı ki, kollektivin problemi bunlarla yekunlaşmır.

Bəs, qalan zədəli futbolçuların durumu nə yerdədi? Onlar yaşıl meydanlara nə vaxt qayıdacaqlar?

“Football-plus.az” bu suallarla “Zirə”nin mətbuat xidmətinin rəhbəri Elmar Abdullazadəyə müraciət etdi. Onun cavabı:


Xatırladaq ki, “qartallar”ın cari mövsüm üçün iştirak ərizəsində 20 futbolçu var. Hələ ki, bu siyahıda Kleyton yoxdu. Ancaq həmin oyunçulardan üçü qapıçıdı. Belədə Rəşad Sadıqovun narahatlığının yetərincə əsaslı olduğunu deyə bilərik.

“Zirə” oktyabrın 18-də keçiriləcək 8-ci tur matçında “Kəpəz”in qonağı olacaq. Gəncə şəhər stadionunda gerçəkləşəcək qarşılaşma saat 18.30-da start götürəcək.

KƏNAN BAHADIR