Yeni mövsümə hazırlığını ''Topuk Yaylası''ndakı məşq bazasında davam etdirən ''Fənərbaxça''da dünənki məşqdə mühüm bir olay yaşandı.

Mövsüm start götürməmiş komandadan artıq zədə xəbərləri gəlməyə başlayıb. Yeni transfer Vedat Muriqi bazar ertəsi baş tutan məşqdə zədələnib! Sağ ayağında ağrılar hiss edən kosovolu hücumçu hətta məşqi xərəkdə tərk etməli olub! Tibbi müayinədən sonra onun baldır əzələsində yırtıq aşkarlanıb. Bu da o deməkdi ki, Muriqi 2-3 həftəliyə sıradan çıxıb.

''Sarı-lacivərdlilər'' üçün bəd xəbərlər təkcə bununla yekunlaşmır. Fransa yığması ilə dünya çempionatında yer alan N'Qolo Kante də zədələnib. Bunu fransızların çalışdırıcısı Didye Deşam açıqlayıb. O bildirib ki, Kantenin İsveçlə oyunda iştirakı ciddi sual altındadı. 35 yaşlı futbolçu çox güman son məşqlərin birində zədələnib. Çünki Kante bu mundialda hələ bir dəqiqə də olsun oynamayıb.

''Ekip'' nəşrinin yazdığına görə Kantenin ciddi diz ağrıları var. Amma onun zədəsinin nə dərəcədə ciddi olması barədə məlumat yoxdu.