Beynəlxalq Qılıncoynatma Federasiyası (FIE) Rusiya milli komandalarının beynəlxalq yarışlarda bayraq və himnlə iştirakına icazə verib.

"Football-plus.az" xəbər verir ki, Federasiyanın qəbul etdiyi qərar iyulun 22-də Honkonqda start götürəcək qılıncoynatma üzrə dünya çempionatında qüvvəyə minəcək.

Beləliklə, Rusiya qılıncoynatma yığmaları uzun fasilədən sonra yenidən rəsmi beynəlxalq yarışlarda dövlət atributları ilə təmsil olunacaqlar.

Bildiyiniz kimi, Ukrayna üzərinə hücumdan sonra rusiyalı idmançılar bir çox beynəlxalq yarışlarda neytral status altında çıxış edirdi. Yeni qərarla qılıncoynatma üzrə milli komandalar üçün bu məhdudiyyət aradan qaldırılıb.

Daha əvvəl isə su idman növləri, güləşçilər və gimnastlar ilə bağlı da bütün qadağalar ləğv olunub.