Ruslar DÇ-yə qatıldı, ukraynalılar dərhal çəkildi
Ukrayna Cüdo Federasiyasının prezidenti Mixail Koşlyak bildirib ki, ukraynalı idmançılar yeniyetmələr arasında dünya çempionatında iştirak etməyəcək, ona görə ki, ruslar da bu turnirə buraxılıb:
“İki gündən sonra Portuqaliyada yeniyetmələr arasında cüdo üzrə dünya çempionatı start götürəcək. Ancaq Ukrayna yığması olmadan. Beynəlxalq Cüdo Federasiyası bir neçə gün əvvəl həmişə olduğu kimi, yenə də son anda yeddi rusiyalı idmançını neytral statusla turnirə buraxdı ki, onlardan biri həqiqi hərbi xidmətdə olan əsgərdi. Bu üzdən Ukrayna yığması yeniyetmələrin dünya çempionatında iştirakdan imtina etdi”.
Xatırladaq ki, Beynəlxalq Cüdo Federasiyası Rusiya və Belarusdan olan idmançılara neytral statusla beynəlxalq turnirlərə qatılmağa icazə verib. Yeniyetmələr arasında dünya çempionatı oktyabrın 4-7-si aralığında Portuqaliyanın Odivelaş şəhərində keçiriləcək.
Digər xəbərlər
