Son günlər İsrail futboluna qarşı mümkün sanksiyalarla bağlı gəzən söz-söhbətə son qoyulub. Bu mövzuda irəli sürülən ehtimallara UEFA aydınlıq gətirib.

Beynəlxalq mətbuatda UEFA-nın İsrail komandalarını rəsmi turnirlərdən çıxara biləcəyinə dair məlumatlar yayılmışdı. Buna səbəb kimi ölkənin Qəzzada keçirdiyi hərbi əməliyyat göstərilmişdi. “The Jerusalem Post”un məlumatına görə, UEFA məsələ ilə bağlı İsrail Futbol Assosiasiyasına (İFA) məktub göndərib. Məktubda qeyd olunub ki, ölkəyə beynəlxalq yarışlarda iştirakla bağlı heç bir qadağanın tətbiqi planlaşdırılmır. O da bildirilib ki, ümumiyyətlə, İsrail komandalarına dair səsvermə gündəmdə deyil.

Beləliklə, çox qəribə durum yaranır: Rusiya 2022-ci ilin fevralında Ukrayna torpaqlarını işğal etmək məqsədi ilə müharibəyə başlayıb. Məhz buna görə Rusiyanın yığmaları və klubları, bütün başqa idman növlərindək təmsilçiləri beynəlxalq yarışlardan kənarlaşdırılıb. Amma Qəzzanı yerlə yeksan edən, 70 minə yaxın fələstinlini öldürən İsrail eyni sanksiyaya məruz qalmır.

Belə haqq, belə ədalət olur? Belə çıxır ki, İsrail işğal edə bilər, Rusiya yox? Ədatinə tüpürüm, dünya!

ORXAN