Ruslara işləyən daha bir funksioner var
Peşəkar Tennisçilər Assosiasiyasının (ATP) rəhbəri Andrea Qaudentsi bildirib ki, rusiyalı idmançıların beynəlxalq yarışlarda iştirakına müsbət yanaşır:
“Biz kollekviv günaha inanmırıq. Bu uşaqlar pis heç nə etməyib. Onlar bütün həyatı boyunca tennis oynayıb. Hesab edirik ki, başqaları kimi onların da eyni hüquqlara malik olması ədalətli yanaşmadı. Onların da çıxış etmək, düşündüklərini dilə gətirmək hüququ olmalıdı”.
Xatırladaq ki, Beynəlxalq Olimpiya Komitəsi (BOK) ötən il fevralın 28-də beynəlxalq idman federasiyalarına Rusiya və Belarusdan olan idmançıların beynəlxalq yarışlarda iştirakına icazə verməməyi məsləhət görüb. Bu isə ötən il fevralın 24-də başlayan Rusiya – Ukrayna müharibəsinin, daha doğrusu, Vladimir Putinin işğalçılıq siyasətinin nəticəsidi. Bu il yanvarın 25-də BOK-un İcraiyyə Komitəsi bildirib ki, bu iki ölkədən olan və müharibəni dəstəkləməyən idmançıların yarışlara neytral statusu ilə qatılmasını imkanını gözdən keçirməyi planlaşdırır.
Yeri gəlmişkən, ABŞ, Böyük Britaniya, Almaniya və Fransa da daxil 30-a yaxın ölkə Rusiya və Belarus idmançılarının Paris Olimpaidasında iştirakına qarşı çıxıb. Artıq bununla bağlı BOK-a birgə etiraz məktubu ünvanlanıb. Həmin ölkələr Rusiya və Belarus idmançılarının neytral statusla nüfuzlu yarışlarda mümkün iştirakı ilə bağlı BOK-dan izahat tələb ediblər. Bildirilib ki, təfərrüatlar aydınlaşana qədər iki ölkənin təmsilçiləri beynəlxalq yarışlara buraxılmamalıdı:
"Biz Rusiya və Belarus idmançılarının Olimpiya Oyunlarında neytral statusla iştirakının nə dərəcədə məqbul olmasından narahatıq. Rusiya idmançıları ilə hərbçiləri arasında möhkəm əlaqələr bizi də narahat edir. Ümumi mövqeyimiz həmişə milli mənsubiyyətə görə ayrı-seçkiliyin yolverilməzliyi olub, lakin bu narahatlıqlar BOK çərçivəsində həll edilməlidi".
Digər xəbərlər
