Okon: “Alonsosuz da uğur qazana bilərik”
“Formula-1” komandalarından “Alpin”in pilotu Esteban Okon belə hesab edir ki, Fernando Alonsosuz da uğur qazana bilərlər.
Xatırladır ki, ispaniyalı sürücü ilin sonunda “Alpin”dən ayrılacaq və gələn ildən etibarən “Aston Martin”in şərəfini qoruyacaq. Okonun fikirləri:
“Əsas öz işimi görməliyəm. Bolidin inkişafında komandaya kömək etmək və onların çağırışlarına cavab vermək. Mən komandadakı ən təcrübəli sürücüyəm və uzun illərdi bunu edirəm. Alonso çempionatdakı ən təcrübəli pilotlardan olsa da, onsuz da inkişaf edə bilərik. O artıq başqa komandaya gedir və bunu qəbul etməliyik. Hədəflərimizə onsuz da çata bilərik. Fernando üçün darıxacam, amma yenə də mübarizə aparacağıq”.
