“Bəli, gedənlərin sayı az deyil. Hər birinin gediş səbəbi ayrıdı. İcarə əsasında oynayanlar var idi. Onların ayrılması hüquqi tərəfdi. İstəsək də, istəməsək də, öz klublarına qayıdırlar. Ola bilər ki, danışıb qaytardığımız futbolçu olsun. Digər ayrılanların da müqavilə müddəti bitdi. Sözün açığı, bəziləri ilə müqavilə müddətini uzatmağı biz istəmədik, cəhd etmədik. Düşünürük ki, daha yaxşılarını tapa bilərik. Gizlətmirəm, bəziləri ilə danışıqlarımız oldu, təklif də etdik. Sadəcə, razılaşa bilmədik. Əsas səbəb də maliyyədi. “Şamaxı”nın bəlli büdcəsi var. İmkan daxilində hərəkət etməliyik. Birinci dəfə deyil ki, belə hal yaşanır. Təəssüf, reallıq budu ki, futbolçular özlərini göstərib, daha yaxşı təklifi olan komandaya gedirlər. Tək Azərbaycanda yox, başqa ölkələrdə də belə klublar var. Axtarışdayıq. Futbolçular axtarırıq. Boş yerləri doldurub, yaxşı komanda formalaşdırmaq istəyirik. Səhv etmirəmsə, ötən mövsüm bitəndə komandada cəmi 9 futbolçu qalmışdı. Eyni vəziyyət bu mövsüm də olacaq. Razıyam, əvvəlki mövsümdən fərqli bu dəfə məşqçi dəyişikliyi də var. Bu məqam da çətinlik yaradacaq. Amma o prizmadan ki, istənilən məşqçi gələndə çətin olur. Ayxan müəllimdən çox razı idik, böyük işlər gördü. Amma üzr istəyirəm, düzgün başa düşün. Dünya futbolunda yeganə baş məşqçi Ayxan Abbasov deyil (gülümsəyir). Sözsüz, gələn məşqçinin də seleksiyası olacaq, komanda formalaşdıracaq. Məsuliyyət də onun üzərində olacaq. İnamımız var”.