“Cəmi iki oyun olub. İki oyunun nəticəsinə görə fikir bildirmək düzgün olmaz. Bu məğlubiyyətləri Ayxan müəllimin həm millidə, həm də “Şamaxı”da işləməsi ilə əlaqələndirmək istəmirəm. Noyabrda da məğlubiyyət seriyamız oldu, o vaxt Ayxan Abbasov U-21-də çalışmırdı. Heyətimiz geniş deyil ki, bu da bizə problem yaradır. “Neftçi” ilə oyuna bir neçə itki ilə çıxmışdıq. Leroy Mikels, Vladislav Veremeyev, Rafael Məhərrəmli, Vüsal Məsimov yox idi. “Şamaxı” premyer-liqadada qalmağı rəsmiləşdirməyib. Qarşıda yeddi tur var və bizi çox çətin mübarizə gözləyir. İnanırıq ki, premyer-liqada qala biləcəyik. Ayxan Abbasovun həm yığmada, həm də “Şamaxı”da çalışması komandaya müəyyən çətinlik yarada bilər, amma biz bunu yoluna qoya biləcəyik. Yığma naminə bu çətinliklərə dözmək olar. Bunun səhv, yoxsa düz qərar olduğunu zaman göstərəcək. İnanıram ki, bu qərar həm yığmaya, həm “Şamaxı”ya, həm də Ayxan Abbasova uğur gətirəcək”.