Dünya çempionatına hazırlığını davam etdirən Türkiyə yığmasının heyətində bir futbolçunun imicindəki dəyişiklik diqqət çəkib. Söhbət Mərt Müldürdən gedir.

Həmişə qara saçı və sadə görünüşü ilə tanıdığımız təcrübəli futbolçu bu dəfə fərqli imic seçib. O, dünənki məşqə saçını tamamilə sarı rəngə boyayaraq çıxıb. Mərt Müldür bu addımı ilə hər kəsi təəccübləndirib. Bəzi fanatlar hətta onu tanımayıblar. Mərtin bu dəyişikliyi sosial şəbəkələrdə də türkiyəli futbolsevərlər tərəfindən müzakirə olunub.

Daha öncə saçı sarı rəngə boyamaq dəbi ''Qalatasaray''da yaşanmışdı. Mauro İkardi, Barış Alpər Yılmaz, Lukas Torreyra, Dris Mertens, hətta qısa müddət bu klubda çıxış edən Alvaro Morata da saçını sarı rəngə boyamışdı.

''Fənərbaxça''da 3-cü mövsümünü başa vuran Mərtin dünya çempionatına yollanacaq yekun heyətdə yer alacağı gözlənilir.