“Bu sualı qınayanlara versəz, daha yaxşı olar. Onlar necə izah edir? Hamının fikrinə hörmət etmək lazımdı, amma fikir bildirməzdən öncə detalları öyrənmək lazımdı. “Bursaspor”u bəyənməyən əcəb edir. Bu klubun elitadakı komandaların yarısından yaxşı olduğunu demək lazımdı. Türkiydəki cəmi altı çempiondan biri “Bursaspor”du. Çempion olan iki Anadolu təmsilçisindən biridi. Namik Ələskərov uğursuz olubsa, başqası getməsin? Məsələyə müxtəlif prizmalardan yanaşmaq olar. Toral İngiltərə, Almaniya, İspaniya çempionatlarına getsəydi, daha çox sevinərdik. Bunu da unutmayaq ki, Toral 20-21 yaşında deyil. Bizi inandırmaq üçün klubun planları haqda məlumat verdilər, təklif etdilər. Təklif Toralı qane etdi deyə, qəbul etdik. Toral “Bursaspor”da yaxşı oynaya bilsə, böyük uğur qazana bilər. İstənilən keçid növbəti sınaqdı. Uğursuz yerdə uğurlu ola bilərsən, ya da əksinə - uğurlu görünən yerdə uğursuz ola bilərsən”.

“Söz-söhbəti şərh etmək istəmirəm. Mahirə zəng edib deyiblər ki, Toralı istəyirik? “Legiya” nə Toral, nə də mənlə əlaqə saxlayıb”.