Dünən Konfrans Liqasında mövsümə yekun vuruldu. Almaniyanın Leyptsiq şəhərində ''Kristal Pelas'' ilə ''Rayo Valyekano'' qarşılaşdı.

"Football-plus.az" xəbər verir ki, hər iki klub tarixinin ilk avrokubokunu qazanmaq üçün meydana çıxmışdı. 51-ci dəqiqədə Jan-Filipp Matetanın vurduğu qol görüşdə yeganə oldu. Avropa Liqasını qazanan ''Aston Villa''nın ardından, ''Kristal Pelas'' da Konfrans Liqasının qalibi oldu.

Mayın 30-da 'Çempionlar Liqasında ''Arsenal'' da PSJ-ni üstələsə, bu mövsüm hər üç avrokubok ingilislərə qismət olacaq. Oliver Qlasnerin London təmsilçisindəki macərası gözəl şəkildə yekunlaşdı. Bu məşqçi ilə ötən il tarixində ilk dəfə ölkə kubokunu və tarixində ilk dəfə ölkə superkubokunu qazanan ''Kristal Pelas'' indi də 120 illik tarixinin ilk avrokubokunu qazandı! 2024-ün fevralından baş məşqçi vəzifəsini icra edən avstriyalı mütəxəssis göründüyü kimi adını klub tarixinə qızıl hərflərlə yazdırdı. Amma o hələ yanvarda bildirmişdi ki, ''Kristal Pelas'' ilə yeni müqavilə imzalamayacaq və yayda klubdan ayrılacaq.

51 yaşlı mütəxəssis daha öncə Frankfurt ''Ayntraxt''ının başında da Avropa Liqasını qazanmışdı. Ümumilikdə ''Kristal Pelas'' onun dönəmində keçirdiyi 121 rəsmi oyundan 53 qələbə, 33 heç-heçə, 35 məğlubiyyətlə ayrılmış oldu. İstanbul nəhənglərinin də hədəfində olan Qlasnerin yeni klubu böyük maraq doğurur.