Erlinq Holannın gələcəyi ilə bağlı növbəti xəbər yayılıb.

"Football-plus.az" xəbər verir ki, “Barselona” rəhbərliyi onun mümkün transferi ilə bağlı qərarını verib. Jurnalist Serxio Qonsales Kataloniya klubunun “Mançester Siti”nin hücumçusunu transfer etməyə tələsmədiyini bildirib. Prezident Xuan Laporta heç bir futbolçu üçün birdəfəlik 100 milyon avrodan artıq məbləğ ödəməyi planlaşdırmır. İspaniya klubu yalnız ödənişin hissə-hissə həyata keçiriləcəyi variantları nəzərdən keçirir. Məlumata görə, hətta Xosep Qvardiola MS-dən ayrılsa belə, Holannın yaxın vaxtlarda “Barselona”ya keçidi real görünmür.

Norveçli hücumçu bu mövsüm bütün turnirlərdə meydana çıxdığı 52 matçda 37 qol vurub və 9 məhsuldar ötürmə edib.