Erlinq Holann yayda klubunu dəyişə bilər.

“El Nacional”ın məlumatına görə, norveçli hücumçu “Mançester Siti”ni tərk etmək haqda düşünür. 24 yaşlı futbolçu komandanın son nəticələrinə görə məyusdu. O, bu səbəbdən klubunu dəyişmək imkanlarını nəzərdən keçirilir. Holannın MS ilə müqaviləsinin müddəti 2034-cü ilin yayına qədərdi. Deyilənə görə, PSJ və “Bavariya” rəhbərliyi onunla bağlı vəziyyəti diqqətlə izləyir.

Yeri gəlmişkən, Erlinq İngiltərə kubokunun “Bornmut”la oyununda (2:1) topuğundan zədə alıb. Baş məşqçi Xosep Qvardiola futbolçunun təxminən 5-7 həftə yaşıl meydanlardan kənarda qalacağını bildirib. Holann bu mövsüm MS-nin heyətində bütün turnirlərdə 40 oyun keçirib, 30 qol vurub və 4 məhsuldar ötürmə edib.