Dik Advokaat əvvəlki iş yerinə qayıdıb. O, yenidən Kürasao yığmasının baş məşqçisi təyin olunub.

"Football-plus.az" xəbər verir ki, məlumatı Kürasao Futbol Federasiyası yayıb.

78 yaşlı mütəxəssis fevral ayında qızının səhhətindəku ciddi problemlərə görə komandadan ayrılmışdı. Onun yerinə təyin olunan Fred Rütten mayın 11-də istefa verib. Rütten qərarını komandada parçalanma yaratmaq istəməməsi və dünya çempionatına hazırlığa mane olmaq niyyətində olmaması ilə izah edib.

Daha əvvəl futbolçular və sponsorların Advokaatın geri qaytarılmasını istədiyi bildirilirdi. Federasiyanın prezidenti Gilbert Martina bildirib ki, Advokaatın dönüşü əvvəlcədən planlaşdırılmayıb və onun namizədliyi yalnız Rüttenin istefasından sonra müzakirə olunub.

DÇ-2026-nın final mərhələsində iştirak edəcək Kürasao qrup mərhələsində Almaniya, Ekvador və Kot d’İvuarla qarşılaşacaq. Advokaat isə dünya çempionatlarının tarixinə ən yaşlı baş məşqçisi kimi düşəcək.