Tur yenə Almaniya futboluna könül verənlərə maraqlı, dramatik və məhsuldar oyunlar bəxş etdi.

"Football-plus.az" xəbər verir ki, Çempionlar Liqasına vəsiqə uğrunda amansız mübarizə aparan “Hoffenhaym”la “Ştutqart”ın yolu bu dəfə bir-biri ilə kəsişdi. Şvabiyalılar oyunun gedişində iki top geriyə düşmələrinə və üstəlik 69-cu dəqiqədən azlıqda oynamalarına baxmayaraq, sonda 1 xal qazanmağa müvəffəq oldular. Ancaq bu bərabərlik tərəflərdən heç birinə sərf etmədi. Çünki “Bayer-04” turnir cədvəlində onların hər ikisini üstələdi. Əslində çox qeyri-sabit mövsüm keçirən leverkuzenlilərin son 8 turun 7-də qalib gələn “Leyptsiq”i darmadağın etməsi gözlənilməz oldu. Amma görünür, “öküzlər”in motivasiyasının yüksək olmaması özünü göstərdi. “Bayer-04” 6-cı pillədən 4-cü pilləyə yüksəlsə də, aydın məsələdi ki, ÇL-ə vəsiqə uğrunda mübarizə son ana qədər davam edəcək.

“Böyük beşlik” tarixinin ilk qadın məşqçisi Mari-Luize Eta, nəhayət, xal qazana bildi. Onun rəhbərliyi altında ilk iki oyundan məğlubiyyətlə ayrılan “Union” evdə “Köln”lə 2:2 bərabərə qaldı. Özü də paytaxt təmsilçisi oyunun gedişində iki top uduzurdu. “Auqsburq”un Bremendən, “Hamburq”un isə Frankfurtdan qələbə ilə ayrılması gözlənilməz oldu. Özü də “dinozavrlar” oyunun gedişində məğlub durumdaydılar. 6 oyunluq qələbəsiz seriyaya son qoyan debütant düşmə zonasından uzaqlaşaraq rahat nəfəs aldı. Amma Hamburqun digər təmsilçisi “Sankt Pauli” üçün tur uğursuz alındı. Bu komanda ciddi hədəfi qalmayan “Maynts-05” ilə ev oyununda uduzmaqla elitada qalmaq yolunda çox ciddi zərbə aldı. “Volfsburq”un Frayburqdan xalla dönməsi ilə “Sankt Pauli” sona iki tur qalmış düşmə zonasına gerilədi. Amma “Volfsburq”u növbəti tur “Bavariya”ya qarşı ciddi sınaq gözləyir. Münhen nəhəngindən söz düşmüşkən, son həftələrdə olduğu kimi, bu komandanın oyunu yenə gərgin süjetli bir filmi xatırlatdı. Hər xal uğrunda çarpışan autsayder “Haydenhaym” Münhendə 2:0 önə keçdi və fasiləyə üstün yollandı.

Kompani fasilədə əzəmətli Dias, Olise, Keyn “üçlüy”ünü meydana buraxandan sonra düşünmək olardı ki, “rekordmayster” rəqibini parçalayacaq. Amma Münhen nəhəngi sonda yalnız 1 xalla kifayətlənməli oldu. Özü də Olise “Bavariya”nı məğlubiyyətdən xilas edən qolu 90+10-cu (!) dəqiqədə vurdu. Kvaratsxeliyanın ardından daha bir gürcüstanlı futbolçunun – Zivzivadzenin də münhenlilərlə oyunda dubl etməsi diqqəti çəkdi. “Haydenhaym” üçün mübarizə hələ bitməyib. “Bavariya” bu mövsüm hesabda geridə olduğu oyunlarda 29-cu xalını qazanmaqla “Bayer-04”ün 1999/00-də müəyyənləşdirdiyi rekordu təkrarladı. Mövsümün sonunu zəif keçirən Dortmund “Borussiya”sı Münhenqladbaxda ümidləri doğrulda bilmədi. Xala və qola həsrət qalan “arılar” son 4 turda 3-cü məğlubiyyətlə barışmalı oldu.

32-ci tur
Bavariya – Haydenhaym 3:3
Qoretska, 44; 57. Olise, 90+10 – Zivzivadze, 22; 76. Ərən Dinkci, 31. (75000)
Bavariya: Urbiq, Stanişiç (Dias, 46), Kim Min Ce, Ta (Devis, 77), İto, Laymer, Ndiaye (Keyn, 46), Pavloviç (Kimmix, 46), Qoretska, Musiala (Olise, 46), Cekson.

Borussiya M – Borussiya D 1:0
Tabakoviç, 88. (54042)
Borussiya: Kobel, Ryuyerson (Kouto, 84), Reccyani, Anton, Şlotterbek, Bayer (Scensson, 61), Zabitser, Bellingem (Salih Özcan, 76), İnasio, Brandt (Çukvuemeka, 84), Girassi (F.Silva, 76).

Bayеr-04 – Leyptsiq 4:1
Şik, 25; 76; 89. Tella, 45 – Baumqartner, 80. (30210)
Bayer-04: Flekken, Kalbret (Artur, 77), Kuansa, Andrix, Tapsoba, Qrimaldo, Palasios, A.Qarsiya (Fernandes, 85), Maza (Tillman, 85), Tella (Poku, 77), Şik (Kofane, 90+3).
Leyptsiq: Vandervoordt, Baku, Orban, Bitşiabu (Lukeba, 46), Finkqrafe (Henrixs, 84), Baumqartner, Şlager, Zayvald (Uedraoqo, 65), Diomande, Nusa (Qruda, 46), Romulo (Harder, 65).

Hoffеnhaym – Ştutqart 3:3
Kramariç, 7; 49. Ture, 23 – Fürix, 20. Demiroviç, 64. Tomas, 90+5. (30150)
Ştutqart: Nübel, Vaqnoman (Demiroviç, 55), Jak, Şabo (Mittelştadt, 55), Hendriks, 46), A.Karazor, Ştiller, Levelinq (Tomas, 86), Əl-Xannus (Assinyon, 76), Fürix, Dəniz Undav.

Union – Köln 2:2
Rote, 73. Burku, 89 – Bülter, 33. Əl-Mala, 61. (22012)

Frayburq – Volfsburq 1:1
Linhart 75 – Kulierakis, 55. (32500)

Ayntraxt F – Hamburq 1:2
Can Uzun, 48 – Qrönbek, 51. Vieyra, 59. (59500)

Verder – Auqsburq 1:3
Şmid, 64 – Kade, 24; 45+3. Yakiç, 69. (40000)

Sankt Pauli – Maynts-05 1:2
Sisey, 87 – Tits, 6. Mvene, 40. (29546)

1. Bavariya 32 26 5 1 116-35 83
2. Borussiya D 32 20 7 5 65-32 67
3. Leyptsiq 32 19 5 8 63-42 62
4. Bayer-04 32 17 7 8 66-43 58
5. Ştutqart 32 17 7 8 66-46 58
6. Hoffenhaym 32 17 7 8 64-48 58
7. Frayburq 32 12 8 12 45-53 44
8. Ayntraxt F 32 11 10 11 57-60 43
9. Auqsburq 32 11 7 14 42-56 40
10. Maynts-05 32 9 10 13 41-50 37
11. Borussiya M 32 8 11 13 37-50 35
12. Hamburq 32 8 10 14 36-51 34
13. Union 32 8 9 15 37-57 33
14. Köln 32 7 11 14 47-55 32
15. Verder 32 8 8 16 37-57 32
16. Volfsburq 32 6 8 18 42-67 26
17. Sankt Pauli 32 6 8 18 27-55 26
18. Haydenhaym 32 5 8 19 38-69 23

Bombardirlər: Keyn (Bavariya) – 33, Dəniz Undav (Ştutqart) – 18, Şik (Bayer-04) – 16, Dias (Bavariya), Girassi (Borussiya D) – 15.

Növbəti turun oyunları mayın 8-10-u aralığında keçiriləcək: Köln – Haydenhaym, Ştutqart – Bayer-04, Auqsburq – Borussiya M, Borussiya D – Ayntraxt F, Hoffenhaym – Verder, Volfsburq – Bavariya, Maynts-05 – Union, Lеyptsiq – Sankt Pauli, Hamburq – Frayburq.

Turun rəqəmi
2 – “Haydenhaym”ın “Alyants Arena”da ilk 31 dəqiqədə iki topluq üstünlük yaxalaması sayəsində tarixi bir fakt ortaya çıxdı. Belə ki, bundesliqa tarixində cəmi ikinci dəfə sonuncu pillədə qərarlaşan komanda liderlə səfər oyununda iki top fərqilə önə keçdi. Bunu daha öncə 1964-ün yanvarında “Köln”lə səfər oyununda “Saarbrükken” bacarmışdı. Həmin vaxt 3:1-lik qələbə qazanmasına baxmayaraq ,“Saarbrükken” sonda elita ilə vidalaşmalı olmuşdu.

Turun ulduzu
Patrik Şik (Bayer-04) – çexiyalı forvard mövsümün sonlarına yaxın əla forma yığıb, ardıcıl ikinci dəfə onu turun ulduzu seçirik. Ötən həftə dubl edən yeganə futbolçu bu dəfə het-trik etdi. “Bayer-04” tarixində 100 qol həddini keçən 3-cü futbolçu olan Şik bundesliqanın son 6 turunda artıq 9 dəfə fərqlənib. Yəni o, martın 20-dən bəri “böyük beşlik”də ən çox qol vuran futbolçudu!

Turun sitatı
Niko Kovaç, Dortmund “Borussiya”sının baş məşqçisi: