“Union” hələ ki “böyük beşliy”in ilk qadın məşqçisi Mari-Luize Etanın başçılığı altında məğlubiyyətləri sıralayır. Turun açılış matçında “Leyptsiq” səfərindən xalsız dönən paytaxt təmsilçisi bu məşqçi ilə ikinci oyunda da uduzdu. Mövsümün sonuna yaxın yaxşı sürət yığan və son 8 turda 7-ci qələbəsini qazanan “öküzlər” çətin ki, bundan sonra 3-cü pilləni əldən versinlər.

“Bavariya” mövsümün sonuna yaxın sanki “siz bacardığınız qədər vurun, biz lazım olan qədər vuracağıq” deməklə rəqibləri ilə məzələnir. Ötən tur çempionluğu rəsmiləşdirən Münhen nəhənginin Maynts səfərində - vacib ÇL matçı ərəfəsində özünə əziyyət verməyəcəyi güman edilirdi. İlk yarıda bu proqnozlar doğruldu. “Maynts-05” XXI əsrdə bundesliqada “Bavariya” ilə oyunda fasiləyə 3 topluq üstünlüklə yollanan 3-cü komanda oldu. Ancaq 0:3 sanki “rekordmayster”in qüruruna toxundu. Özü də nəzərə alaq ki, “Bavariya” ilk dövrədə də “karnavalçılar”la bacarmamışdı (2:2). Komanda uğurlu əvəzetmələr sayəsində 2-ci hissədə rəqibini meydandan silib-süpürərək 4 qol vurdu! Son 3 qolun müəllifi olan Olise, Musiala və Keyn məhz fasilədən sonra meydana çıxdı. Vensan Kompaninin komandasının bütün turnirlərdə məğlubiyyətsiz seriyası 19 oyuna çatdı (17 qələbə, 2 heç-heçə). Ardıcıl 7-ci görüşdə fərqlənən Keyn isə bu mövsüm 46-cı rəsmi oyunda 54-cü (!) qolunu vurdu. “Bavariya” bir neçə həftə öncə buna bənzər oyunu səfərdə “Frayburq”un da başına açmış və 80-ci dəqiqədən sonra vurduğu qollarla 3:2-lik qələbə qazanmışdı.

Evdə Münhenqladbax “Borussiya”sı ilə bacara bilməyən “Volfsburq” düşmə zonasından çıxmaq fürsətini əldən verdi. Taleyi ilə barışmaq və aşağı liqaya yollanmaq istəməyən “Haydenhaym” “Sankt Pauli”ni yenməklə evdə ardıcıl 2-ci qələbəsini qazandı. Amma komanda hələ də sonuncu pillədədi. Son iki turdan xalsız ayrılan Dortmund “Borussiya”sı bütün acığını “Frayburq”dan çıxaraq 4 cavabsız qol vurdu. Amma bunu gözləmək olardı. Çünki “Frayburq” əsas diqqətini Avropa Liqasının yarımfinalına yönəldib. Bu komandanın “Siqnal İduna Park”da keçirdiyi son 4 oyundakı top fərqi “göz oxşayır” (1:16).

Mövsüm sona yaxınlaşdıqca Çempionlar Liqasına vəsiqə uğrunda mübarizə qızışır. “Ştutqart” evdə “Verder”i yenə bilməməklə mühüm xallar itirdi. “Hoffenhaym” bundan çox gözəl faydalandı. “Kəndçilər” səfərdə “Hoffenhaym”ı yenməklə xal hesabında “Ştutqart”ı yaxaladılar. Çox güman, bu mübarizə “Ştutqart”, “Hoffenhaym” və “Bayer-04” arasında sona qədər davam edəcək. Onu da bildirək ki, Almaniyanın cari mövsümdə avrokuboklarda ən çox xal toplayan iki ölkədən biri olmaq şansı davam edir. Bu baş verəcəyi təqdirdə 5-ci yeri tutan komanda da gələn mövsüm ÇL-də oynayacaq.

31-ci tur
Maynts-05 – Bavariya 3:4
Kor, 15. Nebel, 29. Bekker, 45+2 – Cekson, 53. Olise, 73. Musiala, 80. Keyn, 83. (33305)
Bavariya: Urbiq, Laymer, Kim Min Ce, İto, Devis (Stanişiç, 57), Ndiaye (Ta, 77), Pavloviç (Keyn, 46), Gerreyro (Musiala, 57), Qoretska, Dias (Olise, 46), Cekson.

Borussiya D – Frayburq 4:0
Bayer, 8. Girassi, 14. Bensebayni, 31. F.Silva, 87. (81365)
Borussiya: Kobel, Ryuyerson, Bensebayni, Anton, Şlotterbek, Bayer (Albert, 89), Zabitser, Bellingem (Salih Özcan, 88), Brandt (Çukvuemeka, 84), İnasio (Svensson, 74), Girassi (F.Silva, 84).

Köln – Bayer-04 1:2
Valdşmidt, 77 – Şik, 43-p.; 52. (50000)
Bayer-04: Blasvix, Kalbret (Artur, 72), Kuansa (Bade, 86), Andrix, Tapsoba, Qrimaldo, Palasios, A.Qarsiya (Fernandes, 72), Maza (Tillman, 62), Tella (Ben Segir, 72), Şik.

Ştutqart – Verder 1:1
Demiroviç, 61 – Staqe, 18. (60000)
Ştutqart: Nübel, Assinyon (Fürix, 57), Jak, Zaqadu (Hendriks, 46), Mittelştadt, Levelinq (Buanani, 78), Andres (Narti, 89), Ştiller, Əl-Xannus, Tomas (Demiroviç, 57), Dəniz Undav.

Leyptsiq – Union 3:1
Finkqrafe, 22. Romulo, 25. Baku, 63 – Duxi, 78. (47800)
Leyptsiq: Vandervoordt, Baku (Henrixs, 79), Orban, Bitşiabu, Finkqrafe, Baumqartner, Şlager, Uedraoqo (Harder, 68), Diomande (Bakayoko, 79), Nusa (Qomis, 90), Romulo (Qruda, 68).

Hamburq – Hoffеnhaym 1:2
Qlatsel, 34 – Asllani, 18. Lemperle, 45. (57000)

Auqsburq – Ayntraxt F 1:1
Kade, 44 – Doan, 66. (30660)

Haydenhaym – Sankt Pauli 2:0
Zivzivadze, 3. Ərən Dinkci, 82. (15000)

Volfsburq – Borussiya M 0:0
(27947)

1. Bavariya 31 26 4 1 113-32 82
2. Borussiya D 31 20 7 4 65-31 67
3. Leyptsiq 31 19 5 7 62-38 62
4. Ştutqart 31 17 6 8 63-43 57
5. Hoffenhaym 31 17 6 8 61-45 57
6. Bayer-04 31 16 7 8 62-42 55
7. Ayntraxt F 31 11 10 10 56-58 43
8. Frayburq 31 12 7 12 44-52 43
9. Auqsburq 31 10 7 14 39-55 37
10. Maynts-05 31 8 10 13 39-49 34
11. Borussiya M 31 7 11 13 36-50 32
12. Verder 31 8 8 15 36-54 32
13. Union 31 8 8 15 35-55 32
14. Köln 31 7 10 14 45-53 31
15. Hamburq 31 7 10 14 34-50 31
16. Sankt Pauli 31 6 8 17 26-53 26
17. Volfsburq 31 6 7 18 41-66 25
18. Haydenhaym 31 5 7 19 35-66 22

Bombardirlər: Keyn (Bavariya) – 33, Dəniz Undav (Ştutqart) – 18, Dias (Bavariya), Girassi (Borussiya D) – 15.

Növbəti turun oyunları mayın 2-3-də keçiriləcək: Bavariya – Haydenhaym, Union – Köln, Borussiya M – Borussiya D, Bayеr-04 – Leyptsiq, Frayburq – Volfsburq, Ayntraxt F – Hamburq, Sankt Pauli – Maynts-05, Hoffеnhaym – Ştutqart, Verder – Auqsburq.

Turun rəqəmi
8 – “Bavariya” bu mövsüm bundesliqada 8-ci dəfə hesabda geri düşdüyü oyunda qalib gəlməklə turnirin rekordunu təkrarladı. Nə qədər qəribə səslənsə də, bu rekord münhenlilərə aid deyildi. Rekordun müəllifi 1999/00-də “Bayer-04” olmuşdu. Onu da bildirək ki, “Bavariya” bu mövsüm hesabda geridə olduğu qarşılaşmalarda topladığı xalların sayını 28-ə çatdırdı və hələ ki, bu göstəricidə 1999/00-nin “Bayer-04”ündən (29) geri qalır.

Turun ulduzu
Patrik Şik (Bayer-04) – çexiyalı forvard bu tur dubl edən yeganə futbolçu oldu. Üstəlik məhz onun qolları komandasının qələbəsində mühüm rol oynadı. Yeri gəlmişkən, 30 yaşlı hücumçu leverkuzenlilərin heyətində 207-ci rəsmi oyunda vurduğu qolların sayını 100-ə çatdırdı. O, Ulf Kirtsen (448 oyun, 240 qol) və Ştefan Kisslinqdən (444 oyun, 162 qol) sonra “Bayer-04” tarixində 100 qol həddinə çatan 3-cü futbolçudu!

Turun sitatı
Vensan Kompani, “Bavariya”nın baş məşqçisi: